Ministri për Marrëdhëniet me Parlamentin, Taulant Balla, iu përgjigj akuzave të opozitës lidhur me mungesën e listës së projektligjeve për integrimin europian, duke deklaruar se dokumentet janë të publikuara në faqen zyrtare të Kuvendi i Shqipërisë.
Gjatë debatit në Kuvend, Balla mbajti në dorë shkresën përkatëse dhe ironizoi deputetët e opozitës, duke i ftuar të mbështesin procesin e integrimit europian.
“Gjejeni veten te njëri prej tyre dhe t’ju them bujrum, faleminderit! Një votë, ngrije njëherë një karton jeshil për Shqipërinë anëtare në BE”, deklaroi ai.
Në vijim të fjalës së tij, Balla solli në vëmendje deklaratat e komisioneres europiane Marta Kos, e cila sipas tij e ka cilësuar Shqipërinë si “shembull transformimi”.
Debati në sallë u shoqërua edhe me replika ndaj deputetit demokrat Blendi Himçi, të cilin Balla e ironizoi gjatë diskutimit për procesin e negociatave me Bashkimi Europian.
Ministri përmendi gjithashtu edhe deklarata të përfaqësueses së lartë të BE-së, Kaja Kallas, lidhur me progresin e Shqipërisë në negociata, duke thënë se vendi duhet të përgatitet për pjesëmarrje në zgjedhjet europarlamentare të vitit 2029.
