Sot në orën 19:00, Partia Demokratike e Shqipërisë ka thirrur protestën e radhës në Tiranë.
Policia e Shtetit ka njoftuar se nga ora 23:45 e së enjtes deri në përfundim të tubimit do të bllokohet lëvizja dhe nuk do të lejohet parkimi i automjeteve në Bulevardi Dëshmorët e Kombit, nga zona e njohur si “Ura e Dajtit” deri në rrugën Rruga Ismail Qemali.
Gjithashtu, nga ora 15:00 e datës 8 maj 2026 deri në përfundim të protestës, do të ketë bllokim të qarkullimit të automjeteve në segmentin e bulevardit nga kryqëzimi pranë Ministria e Brendshme deri te Sheshi Nënë Tereza, si dhe në rrugët Rruga Ukraina e Lirë, Rruga Papa Gjon Pali II dhe Rruga Ismail Qemali.
Ndërkohë, Skënder Hita deklaroi se protesta duhet të qëndrojë brenda këtij perimetri.
Policia u ka bërë thirrje qytetarëve që të distancohen në rast se përballen me veprime të kundërligjshme që cenojnë rendin dhe sigurinë publike.
“Policia e Shtetit ka marrë të gjitha masat që protesta të organizohet dhe të zhvillohet në mënyrë të qetë dhe paqësore. Leja është kërkuar për bulevardin ‘Dëshmorët e Kombit’ dhe aty duhet të jetë e përqendruar. Në rast të veprimeve joligjore nga ana e protestuesve do të veprohet në bazë të procedurave standarde dhe në bazë të ligjit dhe Kodit Penal”, deklaroi Hita.
