Për shumicën e pronarëve, qeni është si anëtar i familjes, por ndonjëherë sjellja e tij “prapësore” na shtyn të ngrisim zërin. Çfarë ndodh realisht me qenin kur i bërtasim?
Eksperti i qenve Alan Peiro shpjegon se britmat nuk janë zgjidhje efektive, sidomos kur qeni është i shqetësuar ose i eksituar. Ai rekomandon që sjellja të ridrejtohet me qetësi: në vend që të qortoni qenin që kërcen, kërkojini të ulet dhe shpërblejeni kur e bën këtë.
Efektet e të bërtiturit tek qeni:
Ndien hutim: Qentë reagojnë më shumë ndaj tonit të zërit sesa ndaj fjalëve, gjë që krijon konfuzion.
Frikë dhe stres: Një ton i lartë mund të perceptohet si kërcënim dhe të aktivizojë reaksionin “lufto ose ik”, duke rritur nivelin e kortizolit.
Ankth kronik: Studimet tregojnë se metodat ndëshkuese lidhen me rritje të stresit dhe ankthit afatgjatë.
Dëmtim i lidhjes me pronarin: Britmat e shpeshta minojnë besimin; qeni mund të bëhet i tërhequr dhe më pak i gatshëm për ndërveprim.
Mësim joefektiv: Të bërtiturit nuk i mëson qeni çfarë duhet të bëjë; vetëm ndalon përkohësisht sjelljen pa ofruar alternativë.
Çfarë funksionon më mirë?
Përforcimi pozitiv: Lavdërime, shpërblime dhe udhëzim i qetë.
Rezultatet: Rrit besimin, zvogëlon sjelljet problematike, përmirëson komunikimin dhe forcon lidhjen emocionale me qenin.
Përfundim
Të bërtiturit mund të duket i natyrshëm në moment frustrimi, por për qenin është burim stresi dhe konfuzioni. Një qasje e qetë dhe e bazuar në përforcim pozitiv është më efektive dhe ndërton një marrëdhënie më të shëndetshme dhe të besueshme me mikun tuaj me katër këmbë.
