Izraeli njofton eliminimin e një zyrtari të Hamasit në Gaza: U godit figura kyçe e prodhimit të armëve

Forcat e Mbrojtjes së Izraelit (IDF) kanë njoftuar se kanë eliminuar Mohammad Abu Mallouh, të cilin e cilësuan si një figurë kyçe në prodhimin e armëve të Hamas në Gaza.

Sipas deklaratës së IDF-së, operacioni u krye pas informacioneve të inteligjencës dhe kishte në shënjestër infrastrukturën e lidhur me prodhimin e armëve të Hamasit.

“Para sulmit, u morën masa për të minimizuar dëmin ndaj civilëve, duke përfshirë përdorimin e municioneve precize dhe mbikëqyrjen ajrore”, thuhet në deklaratën e Forcave të Mbrojtjes së Izraelit.

Njoftimi vjen në mes të operacioneve të vazhdueshme ushtarake në Gaza, ku tensionet dhe përplasjet mes ushtrisë izraelite dhe Hamasit vijojnë prej muajsh.