Është arrestuar Gazmend Bucpapaj, i dyshuar si autor i vrasjes së Egli Pashollarit në zonën e “21 Dhjetorit” në Tiranë.
Sipas informacioneve paraprake, Bucpapaj është ndaluar në zonën e Tropojës, pas një operacioni të forcave të policisë.
Ngjarja e rëndë kishte ndodhur në zonën e njohur si 21 Dhjetori, duke tronditur opinionin publik.
Autoritetet pritet të japin detaje të mëtejshme lidhur me rrethanat e arrestimit dhe akuzat konkrete ndaj të ndaluarit.
Ngjarja:
Egli Pashollari 31 vjeç mbeti i vrarë pasi u qëllua me thikë pas shpine. Ngjarja e rëndë ndodhi rreth orës 15:40 në rrugën “Kongresi i Lushnjës” pranë zonës së njohur si ish-Parku. Autor i ngjarjes është Gazment Buçpapaj.
Pashollari është konfliktuar me Buçpapajn, i cili ka qenë i shoqëruar nga gruaja e tij. E pyetur në polici, ajo ka thënë se bashkëshorti i saj kishte shkuar për ta marrë në punë pasi punonte menaxhere në një market në zonën e ish-Parkut dhe për ta çuar për një vizitë mjekësore. Pasi ka hipur në makinë, rruga ishte bllokuar nga makina e viktimës. Dëshmia e saj hedh poshtë dyshimet e para të policisë që sherri mund të ketë nisur për shkak se viktima kishte ngacmuar gruan e autorit.
Gazment Buçpapaj i ka rënë borisë për t’i hapur rrugën, por sipas saj, viktima ka dalë nga mjeti dhe i ka sharë dhe ofenduar. Fill pas kësaj, autori i cili është ende në kërkim nga policia ka dalë nga makina dhe është përfshirë në koflikt fizik me Pashollarin ku e goditi këtë të fundit me thikë duke i shkaktuar plagë të rëndë me pasoja për jetën.
