Interi po zhvillon një sezon thuajse perfekt në Serie A, me statistika që flasin vetë: përveç humbjeve ndaj Udinese dhe Juventus, zikaltërit nuk kanë lëshuar asnjë pikë kundër skuadrave jashtë tre vendeve të para. Një ritëm i frikshëm – 21 fitore në 21 ndeshje kundër ekipeve nga Roma e poshtë – ka krijuar diferencën vendimtare në krye të tabelës.
Në anën tjetër, Milani po përballet me probleme të dukshme ndaj skuadrave të gjysmës së dytë të tabelës. Humbja ndaj Parma, e para pas 24 ndeshjesh pozitive radhazi, theksoi një hendek kritik: 16 nga 24 pikët e humbura këtë sezon kanë ardhur pikërisht nga kundërshtarët “e vegjël”.
Me titullin praktikisht të arkivuar, objektivi i kuqezinjve është zona Champions League. Por kalendari është i pamëshirshëm: sfida ndaj Inter, Lazio në transfertë, Napoli në “Maradona” dhe Juventus” do të vendosin për ambiciet reale të sezonit.
Paradoksalisht, Milani duket më bindës kur përballet me skuadra të mëdha, por mbeten problematikat: mungesa e konkretizimit në 30 metrat e fundit, pasiguri në mbrojtje dhe ritëm i ngadaltë në ndërtim. Mungesa e një qendërsulmuesi tipik e bën sulmin më të parashikueshëm dhe më pak të rrezikshëm.
Gara për vendet e para mbetet e hapur: Roma, Atalanta dhe të tjerat afrohen, ndërsa Napoli dhe Juventus pritet të rikthehen në nivelin e tyre. Në lojë nuk është vetëm prestigji, por edhe miliona euro nga Champions League – një luks që askush nuk mund ta lejojë të humbasë.
