Ish-trajneri i Juventus, Fabio Capello, ka analizuar për La Gazzetta dello Sport sfidën e fortë ndaj Inter, duke u ndalur te episodet polemike në San Siro dhe reagimet pas ndeshjes.
Capello kritikoi hapur mbrojtësin zikaltër Alessandro Bastoni, duke e cilësuar të papranueshme sjelljen e tij gjatë incidentit të ndeshjes.“Dy gjëra më bënë përshtypje në lidhje me incidentin në San Siro. E para: një lojtar si Bastoni, një lojtar ndërkombëtar dhe një figurë kyçe në ekipin kombëtar, nuk mund dhe, mbi të gjitha, nuk duhet të sillet kështu. Ishte shumë e pafat ta shihje duke mashtruar gjyqtarin me një shpërqendrim të hapur, edhe pse ishte i ndëshkuar me karton të verdhë dhe rrezikonte të dytin.”
Sipas teknikut italian, një futbollist i këtij niveli duhet të japë shembull brenda dhe jashtë fushës.
Capello shprehu rezervat edhe ndaj trajnerit zikaltër Cristian Chivu, duke theksuar se deklaratat e tij pas ndeshjes nuk ishin në linjë me ato para sfidës.“E njoh shumë mirë Chivun, e kam pasur lojtar te Roma, por komentet e tij pas ndeshjes më zhgënjyen. Nuk ishte konsistent me atë që tha në prag të ndeshjes dhe në fund dha përshtypjen se po justifikonte atë që ndodhi.”
Megjithatë, Capello vuri në dukje se vendimi i Chivut për ta zëvendësuar Bastonin në pushim tregonte se trajneri ishte i vetëdijshëm për rrezikun e një kartoni të dytë pas episodit me Kalulun.
Në analizën e tij, Capello ndaloi edhe te paraqitja e Juventusit, duke theksuar se bardhezinjtë duhet të marrin zemër nga performanca kundër skuadrës kryesuese.“Nëse do të isha Luciano, do t’i thoja ekipit tim se janë në rrugën e duhur, sepse luajtën një ndeshje të shkëlqyer kundër ekipit më të mirë, në shtëpinë e tyre. Performanca duhet t’i japë forcë Zonjës së Vjetër.”
Sipas Capellos, pavarësisht tensioneve dhe polemikave, Juventus tregoi pjekuri dhe nivel të lartë loje në një transfertë të vështirë si San Siro, duke konfirmuar se gara për titull mbetet plotësisht e hapur.
