Studentët kanë thirrur një protestë kombëtare ditën e shtunë, më 24 tetor, para Ministrisë së Arsimit, pas tubimit të zhvilluar sot përpara Parlamentit.
Njoftimi vjen në ditën e dhjetë të protestës studentore, ndërsa të rinjtë vijojnë të kërkojnë plotësimin e kërkesave të tyre dhe të shprehin kundërshtimin ndaj situatës aktuale.
Protesta e së shtunës pritet të jetë një tjetër moment i rëndësishëm për lëvizjen studentore, e cila prej ditësh ka vijuar tubimet në Tiranë. Thirrja për një protestë kombëtare synon ta shtrijë pjesëmarrjen përtej kryeqytetit, megjithëse përmasat e saj mbeten për t’u parë.
Dhjetë ditë protesta, përplasje dhe tensione
Gjatë ditëve të fundit, protestat janë shoqëruar me përplasje mes protestuesve dhe Policisë, si dhe me incidente që kanë përfshirë djegien e objekteve institucionale.
Pavarësisht tensioneve, studentët vijojnë të kërkojnë plotësimin e kërkesave të tyre, ndërsa protesta e radhës është thirrur përpara Ministrisë së Arsimit.
Tashmë vëmendja është përqendruar te tubimi i së shtunës, më 24 tetor, dhe te reagimi që do të ketë ndaj kërkesave të studentëve.
Lexo edhe:
Rama: 191 policë të plagosur në protesta, bilanci ndryshe nga vendet e Europës
Protestat studentore, Këlliçi: Vuçiç i kthen nderin Ramës, të dy do të kenë fund të njëjtë
