Advertisement
Policia e Tiranës ka vijuar operacionin e koduar “Fati i Lojërave”, duke goditur një tjetër rast të organizimit të kundërligjshëm të lojërave të fatit.
Gjatë aksionit u zbulua një lokal i përshtatur për zhvillimin e aktiviteteve të paligjshme me makineta dhe tavolina pokeri, ndërsa u arrestua administratori i subjektit.
Reklame
Sekuestrohen makineta dhe tavolina pokeri
Sipas policisë, në rrugën “Kajo Karafili”, në lokalin që administrohej nga shtetasi me inicialet F. K., 38 vjeç, u gjetën:
- 4 makineta për lojëra fati
- Tavolina për lojën Poker
- Pajisje dhe sende të tjera që dyshohet se përdoreshin për këtë veprimtari të paligjshme
Në përfundim të veprimeve, 38-vjeçari u arrestua në flagrancë.
Kontrollet vijojnë
Sektori për Hetimin e Krimeve Ekonomiko-Financiare bëri me dije se kontrollet kundër lojërave të fatit do të vijojnë në ambiente dhe subjekte të tjera në kryeqytet.
Materialet procedurale i janë referuar Prokurorisë për veprime të mëtejshme.
Reklame
