Një konflikt për motive të dobëta në Durrës ka përfunduar me kanosje me armë zjarri, ndërsa ndërhyrja e shpejtë e Policisë ka parandaluar përshkallëzimin e situatës.
Në kuadër të operacionit të koduar “Relatives”, shërbimet e Komisariatit të Policisë Durrës arrestuan në flagrancë 36-vjeçarin H. Ll., banues në Durrës.
Sipas Policisë, 36-vjeçari dyshohet se pas një konflikti me shtetasin E. B., 69 vjeç, e ka kanosur atë me një armë zjarri tip kallashnikov, të cilën e posedonte pa leje.
Gjatë kontrollit në banesën e të arrestuarit, efektivët sekuestruan kallashnikovin që dyshohet se është përdorur në kanosje, si dhe një krehër me municion luftarak.
Policia bën me dije se 36-vjeçari ka precedentë penalë në fushën e armëmbajtjes pa leje dhe krimeve kundër personit.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Durrës për veprime të mëtejshme.
Lexo edhe
Veliaj kundër ‘Territoriales’, letër Kuvendit: Mos e votoni, s’është konsultuar!
