Një punonjës i Policisë Bashkiake në Tiranë është arrestuar nga policia, pasi dyshohet se ka goditur me grusht eprorin e tij gjatë një konflikti në ambientet e institucionit.
Në pranga është vënë 31-vjeçari Adi Hazizi, i cili dyshohet se ka goditur shefin e Sektorit të Mbikëqyrjes së Territorit në Policinë Bashkiake, Skënder Delija.
Sipas informacioneve paraprake, konflikti dyshohet se ka nisur pas vendimit për lëvizjen e Hazizit nga një sektor në një tjetër.
Pas njoftimit për transferimin, 31-vjeçari ka shkuar në zyrën e eprorit të tij, ku fillimisht ka pasur një debat verbal.
Situata më pas dyshohet se ka agravuar dhe Hazizi e ka goditur me grusht eprorin e tij.
Nga ana tjetër, Skënder Delija ka pretenduar se dhuna ndaj tij ka ndodhur për shkak të detyrës, pasi ai i kishte komunikuar vartësit vendimin e marrë nga eprorët për transferimin e tij në një sektor tjetër.
Policia ka ndërhyrë pas incidentit dhe ka bërë arrestimin e 31-vjeçarit.
Hetimet vijojnë për dokumentimin e plotë të rrethanave të konfliktit dhe përcaktimin e përgjegjësive ligjore.
Lexo edhe:
HETIMET/ Në 4 vite, 2.4 milionë euro nga Bashkia Tiranë! “One Albania” dhe “Gogel” nën lupën e SPAK
Bashkia Tiranë i jep 600,000€ për 7 ditë Nikolla Çaçit
