Gjykata e Posaçme kundër Korrupsionit dhe Krimit të Organizuar (GJKKO) ka shpallur vendimin për 17 të pandehur, të akuzuar për kultivimin e një sasie të madhe kanabisi në fshatin Drenovicë të Beratit.
Sipas dosjes, të pandehurit akuzoheshin për kultivimin e rreth 1.8 tonëve lëndë narkotike Cannabis sativa, të realizuar përmes serave të përshtatura për aktivitetin kriminal.
Gjykata ka shpallur fajtorë dy drejtuesit e dyshuar të grupit:
- Sadetin Hasaj
- Blerim Xheka
Të dy janë dënuar me nga 8 vite e 8 muaj burgim, pasi përfituan ulje dënimi nga gjykimi i shkurtuar.
Me 6 vite e 8 muaj burgim janë dënuar:
- Sidrit Bisha
- Suad Smakaj
- Jurgen Ujkaj
- Samoel Lushaj
- Endriol Xheka
- Mirvaldo Disha
- Hamdi Dyli
Ndërsa me 5 vite e 4 muaj burgim janë dënuar:
- Arben Vrapi
- Adiol Çifliku
- Lulzim Bushataj
- Mustaf Manej
- Bashkim Mema
- Edison Mema
Gjykata shpalli fajtore edhe:
- Drita Mema
- Izmire Mema
Ato u dënuan me nga 4 vite burg, por dënimi u pezullua dhe u vendosën në provë për një periudhë 3-vjeçare.
Gjykata i shpalli të pafajshme për akuzën e pjesëmarrjes në grup të strukturuar kriminal dhe vendosi shuarjen e masave të sigurimit ndaj tyre.
Sipas hetimeve të paraqitura në GJKKO, grupi i të pandehurve dyshohej se kishte krijuar një skemë të organizuar për kultivimin e kanabisit në ambiente të mbyllura (sera), me qëllim prodhimin dhe shpërndarjen e lëndës narkotike në sasi të mëdha.
Rasti i Drenovicës konsiderohet një nga operacionet më të mëdha të goditura në zonën e Beratit në vitet e fundit.
