SPAK ka kërkuar arrestimin e disa personave në kuadër të një dosjeje hetimore që lidhet me vrasje dhe trafikim të sasive të mëdha të drogës drejt vendeve të Europës.
Sipas burimeve nga organi i akuzës, bëhet fjalë për një grup të strukturuar kriminal që dyshohet se operonte në disa shtete europiane dhe që kishte ngritur një rrjet të gjerë trafiku ndërkombëtar të narkotikëve.
Personat ndaj të cilëve është lëshuar masë sigurie janë:
Inez Hajrulla – në kërkim
Ervis Matodashaj – në kërkim
Flodian Plaku – i arrestuar, masa “arrest në burg”
Rezart Kuçi – masa e ekzekutuar nga Agjencia e Mbikëqyrjes Policore
Hamëz Demushi – masa e ekzekutuar në Zvicra
Mendu Duka – në kërkim
Arben Memishaj – në kërkim
Argest Xhezani – në kërkim
Sipas hetimeve, anëtarët e grupit kriminal vepronin në disa shtete të Europës, ndërsa gjatë operacioneve të ndryshme janë sekuestruar sasi të mëdha droge. Mes tyre përmenden rreth 700 kilogramë kokainë të kapura në Rotterdam, rreth 500 kilogramë në Maqedonia e Veriut, si dhe qindra kilogramë të tjerë në Greqia, Hamburg të Gjermania dhe në Belgjika.
Droga dyshohet se nisej nga Ekuadori dhe kishte si destinacion kryesor vendet e Europës Perëndimore, veçanërisht Hollanda dhe Belgjika.
Burimet hetimore bëjnë me dije se në këtë aktivitet dyshohet të kenë qenë të përfshirë edhe punonjës policie, të cilët jo vetëm ndihmonin në aktivitetin e trafikut të narkotikëve, por edhe furnizonin grupin kriminal me informacione për rivalët e tyre, që sipas hetimeve synoheshin të eliminoheshin.
