Një 73-vjeçar ka humbur jetën pas një incidenti të rëndë të ndodhur në ambientet e një biznesi hidrosanitar në qytetin e Vlorës.
Sipas të dhënave paraprake, viktima është identifikuar si Ylli Shakaj, pronar i aktivitetit. Mësohet se ai ishte duke kaluar pranë një kamioni që transportonte panele të ndryshme, kur, për shkaqe ende të paqarta, panelet janë rrëzuar duke e zënë poshtë.
Në vendngjarje ka mbërritur ambulanca, ndërsa vijojnë operacionet për nxjerrjen e trupit të 73-vjeçarit, i cili ndodhet ende nën panelet.
Ndërkohë, pritet mbërritja e ekspertizës së Policisë. Uniformat blu kanë nisur verifikimet për të zbardhur rrethanat e plota të ngjarjes dhe për të përcaktuar shkaqet që çuan në rrëzimin e paneleve.
Lexo edhe
Protestë në Vlorë kundër Muzeut Hebraik/ Qytetarët kundërshtojnë ndërtimin në qendrën historike
