Kryetari i grupit parlamentar të PS-së, Taulant Balla, është përplasur gjatë vizitës së një delegacioni të Komisionit të Jashtëm të Parlamentit Europian me eurodeputetin gjerman Michael Gahler, i cili kërkoi shpjegime për vendimin e Shqipërisë për të marrë pjesë në Bordin e Paqes të Presidentit amerikan, Donald Trump.
Balla i kujtoi Gahler se vendi ynë ka një marrëdhënie të veçantë me SHBA, dhe e pyeti pse disa vende të BE-së nuk kanë një pozicion të përbashkët për këtë çështje. Ai theksoi se pjesëmarrja e Shqipërisë nuk mund të gjykohet si veprim i izoluar, duke e lidhur me marrëdhëniet historike dhe strategjike me SHBA-në.
Gjatë takimit, Balla ngriti shqetësimin për gjyqin ndaj udhëheqësve të Kosovës në Hagë, duke paralajmëruar se çdo përpjekje për të barazuar viktimat me autorët mund të sjellë destabilizim rajonal. Ai kërkoi nga Parlamenti Europian të ndjekë këtë çështje me vëmendje.“Çdo përpjekje për të barazuar viktimat me autorët do të sillte destabilizim. Parlamenti Europian duhet ta ndjekë këtë çështje,” tha Balla.
Ky debat nxjerr në pah tensionet mes vizionit europian dhe politikës së jashtme të Shqipërisë, duke reflektuar ndarje strategjike dhe perceptime të ndryshme mbi prioritetet ndërkombëtare.
