Kryetari i Bashkisë së Tiranës, Erion Veliaj ka njoftuar përmes një videoje me Inteligjencë Artificiale miratimin e 15 projekteve të reja për ndërtimin e çerdheve dhe kopshteve në kryeqytet. Sipas Veliajt, me projektet e reja, numri i çerdheve dhe kopshteve të ndërtuara ose të projektuara gjatë administrimit të Bashkisë nga ai, arrin në 130.
Përmes videos me AI së postuar në rrjetet sociale, teksa e cilësoi si persekutim transferimin e tij në paraburgimin e Fierit, Veliaj tha se do t’i qëndronte besnik prioriteteve të tij, edhe sikur ta internonin në Hënë.
Veliaj renditi disa nga padrejtësitë që ai pretendon se janë bërë kundrejt tij, duke theksuar se u rrëmbye nga zyra e kryetarit, u shkarkua nga detyra në mënyrë anti-kushtetuese dhe u persekutua duke qëndruar në paraburgim prej 20 muajsh.
Pasi më rrëmbyen nga zyra e Kryetarit të Bashkisë me letra anonime, pasi tentuan të më shkarkonin nga detyra në mënyrë antikushtetuese, pasi e bënë çorbë menaxhimin e Tiranës, pasi më persekutojnë dhe më mbajnë në paraburgim politik prej 20 muajsh, në një ping-pong gjykatash, pasi më rrëmbyen për të më ndërruar birucën pa një shkresë te vetme dhe pasi më kërcënuan edhe aty, përsëri sot miratova projektet për 15 çerdhe dhe kopshte të reja për fëmijët e Tiranës!
Me këto projekte, numri i çerdheve dhe kopshteve të ndërtuara apo të projektuara gjatë administrimit tim arrin në 130!
Jo në Durrës e Fier, por edhe në Hënë po të duan të më internojnë, unë do t’u qëndroj besnik prioriteteve të mia!
Këto janë kopshtet e çerdhet që kam miratuar sot:
Nj. 9, Kopsht, Don Bosko, 150 fëmijë
Nj. 12, Kopsht, Fresku, 150 fëmijë
Nj. 13, Çerdhe, Kodra e Diellit, 50 fëmijë
Nj. 9, Çerdhe, Don Bosko, 100 fëmijë
Nj. 13, Çerdhe, Liqeni i Thatë, 50 fëmijë
Nj. 9, Çerdhe, Stracioni i Trenit, 100 fëmijë
Petrelë, Kopsht, Daias, 16 fëmijë
Dajt, Kopsht, Tufinë, 33 fëmijë
Nj. 12, Kopsht, Sh. 17 Shkurti, 122 fëmijë
Nj. 1, Kopsht, Tregu Elektrik, 120 fëmijë
Nj. 7, Çerdhe, Fusha Aviacionit, 100 fëmijë
Nj. 7, Çerdhe, Dogana, 100 fëmijë
Nj. 7, Kopsht, Zogu i Zi, 150 fëmijë
Nj. 14, Çerdhe, Yzberisht, 100 fëmijë
Nj. 14, Çerdhe, Astir, 100 fëmijë
Lexo edhe
Veliaj hap letrat nga burgu, mesazhe të forta për Ramën: “Nuk më shantazhon dot me sajesa”
A e kërcënoi Erion Veliajn? Rama nuk përgjigjet: “Janë zhurma të parëndësishme”
