Grupet e Botërorit 2026 janë tashmë të kompletuara, pas kualifikimit të gjashtë kombëtareve të fundit, duke i hapur rrugë një edicioni historik për futbollin botëror.
Për herë të parë në histori, turneu do të zhvillohet me 48 kombëtare, të ndara në 12 grupe me nga katër ekipe, një format i ri që pritet të sjellë më shumë emocione dhe surpriza.
Botërori do të luhet në tre shtete – Kanada, Meksikë dhe SHBA, me startin e parashikuar më 11 qershor, ndërsa pritet të jetë një nga turnet më të ndjekur ndonjëherë.
Ky edicion premton spektakël të madh, me rikthimin e disa kombëtareve historike dhe përballje të forta që në fazën e grupeve. Çdo grup pritet të prodhojë sfida të forta, ndërsa gara për trofeun më të madh të futbollit botëror bëhet edhe më e ashpër.
Me një format të ri dhe një hartë më të gjerë pjesëmarrjeje, Botërori 2026 pritet të shënojë një kapitull të ri në historinë e futbollit.
JA SI DUKEN GRUPET:
Grupi A: Meksikë, Afrika e Jugut, Koreja e Jugut, Çekia
Grupi B: Kanada, Bosnja & Hercegovina, Katar, Zvicra
Grupi C: Brazili, Maroku, Haiti, Skocia
Grupi D: SHBA, Paraguai, Australi, Turqi
Grupi E: Gjermani, Curacao, Bregu i Fildishtë, Ekuador
Grupi F: Holandë, Japoni, Suedi, Tunizi
Grupi G: Belgjikë, Egjipt, Iran, Zelanda e Re
Grupi H: Spanjë, Kepi i Gjelbër, Arabia Saudite, Uruguai
Grupi I: Francë, Senegal, Irak, Norvegji
Grupi J: Argjentinë, Algjeri, Austri, Jordani
Grupi K: Portugali, DR Kongo, Uzbekistan, Kolumbi
Grupi L: Angli, Kroaci, Gana, Panama
