Kryeministri Edi Rama ka publikuar disa pamje nga punimet që po zhvillohen në aksin rrugor Elbasan–Qafë Thanë, duke theksuar ritmet e larta me të cilat po vijon realizimi i projektit.
Përmes një postimi në rrjetet sociale, Rama shkruan se punimet po e afrojnë çdo ditë më shumë përfundimin e një prej investimeve të rëndësishme infrastrukturore në vend.
Sipas kryeministrit, përfundimi i këtij projekti pritet të ndikojë në përmirësimin e qarkullimit dhe rritjen e sigurisë rrugore, ndërsa do të krijojë edhe më shumë mundësi për zhvillimin ekonomik dhe turistik të zonave që lidhen përmes këtij aksi.“Punimet në rrugën Elbasan–Qafë Thanë vijojnë me ritme të larta, duke sjellë çdo ditë më pranë përfundimin e një prej investimeve më të rëndësishme infrastrukturore në vend”, shkruan Rama.
Kryeministri ka ndarë gjithashtu mesazhin e tij për vijimin e investimeve infrastrukturore në kuadër të programit qeverisës, duke e shoqëruar postimin me hashtagun #PunëteShqipërisë.
Aksi Elbasan–Qafë Thanë konsiderohet një segment i rëndësishëm për lidhjen e Shqipërisë me Maqedoninë e Veriut dhe për qarkullimin e mjeteve drejt juglindjes së vendit.
Rama thekson se investimet në infrastrukturë synojnë krijimin e një rrjeti rrugor më modern dhe funksional, në përputhje me objektivat e zhvillimit të vendit deri në vitin 2030.
Lexo edhe:
Rama: UKT përmirëson shërbimet, shtohen 4 numra të rinj komunikimi për qytetarët
