Banorë të Memaliajt dhe Fushë-Arrëzit kanë protestuar para Kryesisë së Kuvendit kundër propozimeve për hartën e re administrativo-territoriale.
Protestuesit kanë kundërshtuar ndryshimet që prekin bashkitë e tyre, duke kërkuar që zëri i komuniteteve të merret në konsideratë përpara çdo vendimmarrjeje. Në rastin e Memaliajt, drafti parashikon bashkimin me Tepelenën, ndërsa për Fushë-Arrëzin është propozuar bashkimi me Pukën.
Banorët kanë kërkuar që procesi të shoqërohet me konsultim real me qytetarët dhe që vendimmarrja të mos bëhet pa marrë parasysh nevojat dhe interesat e zonave të prekura.
Kundërshtimet ndaj reformës territoriale janë shfaqur edhe më herët në të dyja bashkitë, ku banorët kanë zhvilluar protesta dhe kanë kërkuar që ndryshimet të mos miratohen pa u dëgjuar komunitetet lokale.
Lexo edhe
JA PROJEKTI FITUES/ BIG zëvendëson “Tajvanin” në Parkun Rinia, Rama: Më shumë gjelbërim dhe ujë
