Pak orë para protestës kombëtare të thirrur nga opozita, Sekretari i Përgjithshëm i Partisë së Lirisë, Tedi Blushi, i ka bërë thirrje qytetarëve të bashkohen sot në bulevardin “Dëshmorët e Kombit” përballë Kryeministrisë.
Blushi e përshkroi këtë ditë si moment historik dhe pikën e kthesës në përpjekjen popullore për të përmbysur “Narko-regjimin”, duke thënë se durimi i qytetarëve të lirë ka marrë fund.
Në një deklaratë të fuqishme, ai theksoi se:
Sot do të dëgjohet zëri i shqiptarëve të lodhur nga varfëria dhe hajdutëria;
Narko-regjimi i kryeministrit është i mbaruar, ndërsa taksat dhe pasuritë e qytetarëve nuk mund të grabiten më;
Çeta kriminale që ka marrë peng shtetin dhe institucionet duhet të shkërmoqet nën këmbët e sovranit.
Blushi bëri thirrje të veçantë për të rinjtë dhe çdo shqiptar të lirë, që të bashkohen në uraganin e lirisë dhe dënimit shembullor të Edi Ramës, duke rikujtuar se protesta zhvillohet sot në ora 17:00, para Kryeministrisë.
Ai u bëri thirrje qytetarëve të gjithë Shqipërisë të jenë pjesë e një moment historik, duke treguar forcën e sovranit për drejtësi, pluralizëm dhe fund të pushtetit të kapur nga krimi dhe korrupsioni.
Sot, ora 17:00, bulevardi “Dëshmorët e Kombit” – bashkohuni për lirinë dhe të ardhmen e Shqipërisë!
