Më shumë se 100 persona janë sëmurë nga një shpërthim i sëmundjes gastrointestinale në bordin e anijes turistike Caribbean Princess, sipas të dhënave të publikuara nga Qendrat për Kontrollin dhe Parandalimin e Sëmundjeve.
Sipas raportimeve, deri tani janë prekur 102 pasagjerë dhe 13 anëtarë të ekuipazhit, të cilët kanë shfaqur simptoma si diarre dhe të vjella.
Shpërthimi u raportua në CDC gjatë udhëtimit të anijes nga 28 prilli deri më 11 maj. Aktualisht, anija ndodhet në Oqeanin Atlantik veriperëndimor dhe po lundron drejt Puerto Plata në Republika Dominikane, ndërsa pritet të mbërrijë në Port Canaveral në Florida më 11 maj.
Në bord ndodhen rreth 3,116 pasagjerë dhe 1,131 anëtarë ekuipazhi. Pas raportimit të rasteve, ekuipazhi ka shtuar masat e dezinfektimit dhe pastrimit, ndërsa personat e sëmurë janë izoluar për të parandaluar përhapjen e mëtejshme të infeksionit.
Kompania Princess Cruises deklaroi se rastet e raportuara kanë qenë të lehta dhe se janë ndërmarrë menjëherë masa shtesë higjieno-sanitare në të gjithë anijen.
Sipas kompanisë, pas mbërritjes në Port Canaveral, anija do t’i nënshtrohet një procesi të plotë dezinfektimi përpara nisjes së udhëtimit të radhës.
Autoritetet shëndetësore amerikane theksojnë se ky është shpërthimi i katërt i raportuar këtë vit në një anije turistike që lidhet me sëmundje gastrointestinale.
