Në ditën e 12-të të grevës së urisë, është përkeqësuar gjendja shëndetësore e dy naftëtarëve grevistë, Dorjan Dylmishi dhe Dritan Rrapushi.
Sipas burimeve, ekipi mjekësor ka mbërritur me urgjencë në ambientet e Sindikatës, ku po zhvillohet greva e urisë. Mjekët kanë kryer kontrollet shëndetësore të grevistëve.
Pas përkeqësimit të gjendjes, Dorjan Dylmishi është transportuar drejt Spitalit Rajonal të Fierit. Ai do të marrë ndihmë mjekësore më të specializuar.
Naftëtarët vijojnë grevën
Pavarësisht problemeve shëndetësore, grevistët shprehen të vendosur të vijojnë protestën.
Naftëtarët e Marinzës, të organizuar nga Sindikata e Sektorit Hidrokarbur, kërkojnë rritje të pagave dhe përmirësimin e kushteve të punës.
Protestat nisën në fillim të shtatorit. Ato u ndërprenë përkohësisht me shpresën e arritjes së një zgjidhjeje konsensuale.
Mosarritja e një marrëveshjeje solli përshkallëzimin e protestës. Më 15 tetor, naftëtarët nisën grevën e urisë.
Ndërkohë, autoritetet dhe përfaqësuesit e sindikatës po monitorojnë situatën. Synimi është gjetja e një zgjidhjeje për të shmangur përkeqësimin e mëtejshëm të gjendjes shëndetësore të grevistëve.
Lexo edhe:
Grevë urie e naftëtarëve të Marinzës, përkeqësohet gjendja e dy grevistëve
Në ditën e 13-të të grevës së urisë, naftëtarët e Marinzës mbeten të vendosur për të drejtat e tyre
