Kreu i Partisë Demokratike, Sali Berisha, ka përcjellë një mesazh drejtuar ish-kreut të SPAK, Altin Dumani, gjatë një prononcimi për mediat.
Berisha tha se kishte lënë një shënim me një mesazh të drejtpërdrejtë për Dumanin, të cilin e cilësoi si “armik të egër të pluralizmit politik”.
“Shënimi që lashë është ai i zakonshmi: Altin Gjoka Troplini Hajri Dumani, se ky është me shumë mbiemra, armikut të egër të pluralizmit politik, drejtësia vonon, por nuk harron!”, u shpreh Berisha.
Deklarata vjen në kuadër të përplasjeve të vazhdueshme politike të Berishës me institucionet e drejtësisë dhe veçanërisht me SPAK-un.
Berisha ka kundërshtuar në mënyrë të përsëritur veprimet dhe hetimet e SPAK-ut, ndërsa akuzat e tij ndaj Dumanit përbëjnë qëndrime politike të kreut të PD-së.
Lexo edhe
Berisha thirrje qytetarëve: Të mobilizohemi në protestën më të fuqishme kombëtare
