Policia e Shtetit u ka bërë apel përdoruesve të rrugës të tregojnë kujdes të shtuar për shkak të motit të keq.
Reshjet e shiut kanë shkaktuar prezencë uji në disa akse rrugore. Në zona të tjera janë raportuar edhe rënie inertesh.
Policia Rrugore në terren
Policia u kërkon drejtuesve të automjeteve të respektojnë rregullat e qarkullimit.
Gjithashtu, qytetarët duhet të zbatojnë udhëzimet e shërbimeve të Policisë Rrugore.
Efektivët janë në terren për të ndihmuar drejtuesit. Ata po punojnë edhe për parandalimin e aksidenteve rrugore.
Policia po bashkëpunon me kompanitë që mirëmbajnë rrugët. Synimi është pastrimi i shpejtë i segmenteve ku kanë rënë inerte.
Në rast nevoje, qytetarët mund të telefonojnë në numrin 112.
Reshje shiu dhe shkarkesa elektrike
Shqipëria po përballet me kushte atmosferike të paqëndrueshme.
Gjatë ditës janë regjistruar reshje me intensitet mesatar në veri dhe pjesërisht në qendër.
Në mbrëmje pritet rikthimi i reshjeve të shiut. Ato do të jenë me intensitet mesatar dhe herë pas here të lartë.
Reshjet pritet të shoqërohen edhe me shkarkesa elektrike. Zona veriperëndimore dhe pjesërisht qendra pritet të jenë më të prekura.
Parashikimi i motit për sot. Reshje shiu në disa qarqe, temperaturat deri në 34°C!
Reshjet e fundit/ Ja si paraqitet situata në gjithë territorin e vendit
