Rreth orëve të para të mëngjesit të së enjtes, një mjet tip fuoristradë ka dalë nga rruga, pasi është përplasur mbi barrierat metalike duke fluturuar mbi to dhe përfunduar në një kanal poshtë urës në një thellësi prej 5 metrash.
Ngjarja ndodhi në rrethrrotullimin e Kolonjës në autostradën Lushnje-Fier
Ka qënë ndërhyrja e menjëhershme e zjarrfikësve të Lushnjes dhe e stafit të urgjencës që ka nxjerrë nga makina një çift bashkëshortësh.
Të lenduarit u dërguan në spitalin e Lushnjes Nga të dhënat paraprake të bluve të qarkullimit dhe ekspertëve, shpejtësia e lartë dhe lagështia e madhe në rrugë për shkak të shiut me intensitet të lartë ka bërë që drejtuesi i mjetit të mos hyjë dot në rrethrrotullim por të kapërcejë barrierat e të përfundojë në kanal. Pritet ekspertiza e policisë e cila do të hedhë dritë mbi rrethanat e aksidentit.
Lexo edhe
REDAKSIONALE – U premtoi 2500 euro, u dha nga një Molto Çipita
