Kuvendi i Shqipërisë do të mblidhet sërish mëngjesin e kësaj të enjteje në seancë plenare, në orën 10:00.
Seanca pritet të hapet me miratimin e procesverbalit të mbledhjes së kaluar dhe me njoftimet procedurale, për t’i lënë më pas vend diskutimeve politike.
Një nga pikat kryesore të rendit të ditës është mocioni me debat për problematikat e evidentuara në raportin vjetor të Departamenti Amerikan i Shtetit për klimën e investimeve në Shqipëri, si edhe për gjetjet e progresraportit të Komisioni Europian.
Debati pritet të përqendrohet te ekonomia, korrupsioni, klima e biznesit dhe standardet e kërkuara në procesin e integrimit europian.
Deputetët do të shqyrtojnë gjithashtu edhe projekt-rezolutën “Për procesin e anëtarësimit të Republikës së Shqipërisë në Bashkimin Europian”.
Në seancën e sotme janë parashikuar edhe disa interpelanca me anëtarë të qeverisë. Edi Rama do të përballet me interpelancë të kërkuar nga deputeti Tritan Shehu.
Po ashtu, interpelanca do të zhvillohen edhe me:
- Albana Koçiu, kërkuar nga deputetët Agron Shehaj dhe Erald Kapri;
- Petrit Malaj, kërkuar nga deputeti Enno Bozdo;
- Ervin Demo, kërkuar nga deputeti Erion Braçe;
- Besfort Lamallari, kërkuar nga deputeti Erion Braçe, si edhe nga deputetët Agron Shehaj dhe Erald Kapri.
