Përfaqësuesja e Lartë e European Union për Politikën e Jashtme dhe Sigurinë, Kaja Kallas, ka deklaruar se Russia nuk duhet të lejohet të cenojë hapësirën ajrore europiane “pa pasoja”.
“Rusia ka kohë që nuk respekton më kufijtë. Moska nuk mund të lejohet të cenojë hapësirën ajrore europiane pa u ndëshkuar”, shkroi Kallas në një postim në rrjetin social X.
Ajo bëri të ditur se ministrat e Jashtëm të BE-së janë zotuar të rrisin presionin ndaj Rusisë, të shtojnë mbështetjen për Ukraine dhe të investojnë më shumë në gatishmërinë mbrojtëse të Europës.
Deklaratat e zyrtares europiane vijnë pas incidentit në Romania, ku një dron rus goditi një ndërtesë banimi në qytetin Galați gjatë një sulmi ndaj infrastrukturës ukrainase pranë kufirit rumun.
Ngjarja ka rritur shqetësimet për sigurinë në rajon dhe për rrezikun e përshkallëzimit të konfliktit përtej territorit ukrainas, ndërsa aleatët perëndimorë kanë dënuar ashpër incidentin dhe kanë kërkuar forcim të mbrojtjes ajrore në krahun lindor të Europës.
