Dita e sotme, 1 gusht 2026, do të karakterizohet nga mot i kthjellët dhe temperatura të larta në të gjithë territorin e vendit.
Masat ajrore të nxehta do të vijojnë të dominojnë Shqipërinë, duke sjellë një tjetër ditë të nxehtë vere. Në shumë zona, temperaturat pritet t’i afrohen vlerave 37-38°C.
Temperaturat minimale do të luhaten nga 18 deri në 24°C, ndërsa ato maksimale pritet të arrijnë deri në 38°C, me vlerat më të larta që do të regjistrohen kryesisht në zonat e ulëta dhe në brendësi të territorit.
Era do të fryjë me intensitet të ulët deri mesatar, kryesisht nga veriu dhe veriperëndimi.
Ndërkohë, përgjatë vijës bregdetare, deti parashikohet të jetë i qetë, me valëzim të ulët.
Kushtet e favorshme atmosferike dhe temperaturat e larta pritet të dominojnë motin gjatë gjithë ditës, ndaj qytetarët këshillohen të tregojnë kujdes, veçanërisht gjatë orëve të mesditës, kur temperaturat arrijnë kulmin.
Lexo edhe:
Çfarë duhet të keni në çantën e plazhit? 15 gjëra
Horoskopi i 1 gushtit/ Parashikimi i yjeve per secilen shenje
