Alesio Basha 19-vjeçari punonjës policie, është dhunuar mbrëmjen e kaluar në Krujë, ndërsa në momentin e ngjarjes ishte jashtë shërbimit. Dy vëllezër janë shpallur në kërkim, pasi dyshohet se e kanë goditur me sende të forta dhe shkop bejsbolli.
Ngjarja ka ndodhur në Krujë, ndërsa sipas të dhënave paraprake, konflikti dyshohet se ka nisur për motive personale.
19-vjeçari, pjesë e Patrullës së Përgjithshme, kishte komunikuar në rrjetin social Instagram me një vajzë nën moshën 18 vjeç.
Sipas hetimeve paraprake, familjarët e vajzës kanë mësuar për komunikimin dhe dyshohet se vëllezërit e saj kanë reaguar ndaj këtij fakti.
Punonjësi i policisë ka bërë kallëzim për ngjarjen, pas së cilës hetuesit kanë nisur veprimet për identifikimin dhe kapjen e personave të dyshuar.
Këqyrja e kamerave të sigurisë ka ndihmuar grupin hetimor për të identifikuar automjetin me të cilin dyshohet se janë larguar personat e përfshirë në dhunimin e 19-vjeçarit.
Dy vëllezërit janë shpallur në kërkim, ndërsa vijojnë hetimet për të dokumentuar plotësisht rrethanat e ngjarjes dhe përgjegjësinë e personave të dyshuar.
Deri në këtë fazë, bëhet fjalë për persona të dyshuar dhe jo për fajësi të provuar nga gjykata.
Lexo edhe
Policia greke kontrollon kasafortën e Mazonakis. Çfarë kërkonin autoritetet brenda saj?
