Ministri i Mbrojtjes ka reaguar për situatën e zjarreve në territorin e bashkive Delvinë dhe Finiq, duke vlerësuar angazhimin e Forcave të Armatosura, pilotëve të Forcave Ajrore dhe strukturave të Mbrojtjes Civile.
Nufi bëri të ditur se në operacionin për izolimin dhe shuarjen e flakëve janë angazhuar njëkohësisht tre helikopterë, së bashku me efektivë të shumtë në terren.
Sipas ministrit, falë koordinimit të Agjencisë Kombëtare të Mbrojtjes Civile, Forcave të Armatosura dhe strukturave vendore e qendrore, situata është vënë nën kontroll.
“Çdo ndërhyrje, çdo fluturim, çdo minutë ka një mision: të mbrojmë jetën, banesat dhe natyrën”, shprehet Nufi.
Ministri ka shprehur mirënjohje për të gjithë efektivët, pilotët, zjarrfikësit dhe pjesëtarët e Forcave të Armatosura të angazhuar në operacion, duke vlerësuar profesionalizmin, guximin dhe përkushtimin e tyre në përballimin e situatës.
Lexo edhe:
Pse rriten zjarret gjatë verës? Shkaqet kryesore dhe si mund të parandalohen
