Kreu i Grupit Parlamentar të Partia Demokratike e Shqipërisë, Gazment Bardhi, ka replikuar ashpër në Kuvend me kreun e grupit socialist Taulant Balla, pas kërkesës së këtij të fundit që PD të distancohej nga protestat e dhunshme dhe sulmi ndaj ish-vilës së Enver Hoxha.
Nga foltorja e Parlamentit, Bardhi deklaroi se Partia Demokratike distancohet nga çdo formë dhune, korrupsioni dhe lidhjeje me krimin e organizuar.
“Distancohemi nga dhuna e korrupsionit, nga politikanët e lidhur me krimin e organizuar dhe nga çdo krim. Nuk rrimë në paradhomën e Ramës për të ditur çfarë qokash bën ai me pronat e shqiptarëve,” u shpreh Bardhi.
Ai shtoi se kur mazhoranca të distancohet nga krimi i organizuar dhe korrupsioni, atëherë – sipas tij – do të përmbushet edhe kërkesa e Komisionerit të Jashtëm Evropian.
Bardhi theksoi se informacionet mbi kalimin për menaxhim të një prone publike tek një fondacion francez u bënë publike vetëm pas protestës së 28 shkurtit, duke lënë të kuptohet se opozita nuk kishte pasur informacion paraprak.
Replika e tij erdhi menjëherë pasi Balla kërkoi që PD të distancohej nga aktet e dhunës gjatë protestave dhe sulmet ndaj ish-vilës së Enver Hoxhës, duke e akuzuar opozitën për përgjegjësi politike.
Debati i fortë në Kuvend pasqyron tensionet e rritura mes mazhorancës dhe opozitës në një klimë të ndezur politike.
