Ylli shqiptar i muzikës pop, Dua Lipa, nuk pritet të performojë në eventin e shumëdiskutuar të boksit mes Anthony Joshua dhe Tyson Fury, i planifikuar për më vonë gjatë vitit.
Sipas BBC Sport, organizatorët në Arabinë Saudite i kanë kërkuar këngëtares 30-vjeçare të jetë pjesë e spektaklit muzikor që shoqëron ndeshjen, por ajo e ka refuzuar ofertën. Nuk është e qartë nëse deklaratat e zyrtarit saudit Turki Al-Sheikh janë bërë në formë serioze apo si pjesë e marketingut të eventit.
Ndërkohë, ende nuk është përcaktuar zyrtarisht vendi i zhvillimit të përballjes Fury–Joshua, megjithëse stadiumi “Wembley” në Londër mbetet një nga opsionet kryesore.
Në anën sportive, Anthony Joshua pritet të rikthehet më herët në ring në muajin korrik, ku sipas raportimeve do të përballet me boksierin shqiptar Kristian Prenga. Ky i fundit ka deklaruar se po përgatit një “surprizë të madhe” ndaj kampionit britanik, duke shtuar interesin rreth duelit.
Organizimi i këtyre përballjeve po shihet si pjesë e një serie eventesh të mëdha ndërkombëtare boksi që synojnë të tërheqin vëmendje globale dhe shikueshmëri rekord.
Lexo edhe
Laborator droge në Itali – në pranga dy shqiptarë dhe një italian
Dua Lipa refuzon eventin e boksit Fury–Joshua, Prenga përmendet si kundërshtar i Joshua-s në korrik
