Tragjike në Shkodër/ Humb jetën punonjësi gjatë punës në një shtyllë elektrike

Një ngjarje e rëndë ka ndodhur në Shkodër, ku një person ka humbur jetën pasi është përfshirë nga korenti në një shtyllë elektrike.

Sipas informacioneve paraprake, viktima dyshohet të ketë qenë punonjës i një kompanie interneti dhe gjatë kryerjes së punës ka humbur jetën si pasojë e kontaktit me energjinë elektrike.

Forcat e policisë ndodhen në vendngjarje dhe po kryejnë hetimet për të përcaktuar rrethanat e sakta të ngjarjes.