Gjykata e Vlorës ka dhënë masat e sigurisë për pesë personat e arrestuar në lidhje me ngjarjen e ndodhur në “Regina Palm”, në Radhimë.
Për Angjelo Breshanin është caktuar masa e sigurisë “arrest në shtëpi”, ndërsa për Luan Muçën është vendosur masa “detyrim paraqitjeje”.
Për tre të arrestuarit e tjerë, Blerim Hetën, Klaudjo Lleshajn dhe Mandrit Lleshajn, është caktuar masa e sigurisë “arrest në burg”, e dhënë në ambientet e spitalit.
Në lidhje me ngjarjen janë shpallur në kërkim edhe gjashtë persona të tjerë, ndërsa hetimet vijojnë për dokumentimin e plotë të saj.
Sipas Policisë së Vlorës, ngjarja ka nisur rreth orës 11:30, kur Bedinaj ka njoftuar uniformat blu se disa persona kishin shkuar në hotelin e tij dhe, nën kërcënimin e armëve dhe dhunës fizike, i kishin kërkuar 5 milionë euro.
Sipas dëshmisë së tij dhe veprimeve të para hetimore, biznesmeni është kërcënuar gjithashtu se duhej të largohej nga Shqipëria brenda 48 orëve.
Pas marrjes së njoftimit, Policia ka ngritur pika kontrolli në hyrje-daljet e Vlorës, në Dhërmi, si dhe në qarqet Fier e Gjirokastër.
Lexo edhe:
