{"id":33347,"date":"2026-09-20T10:34:08","date_gmt":"2026-09-20T08:34:08","guid":{"rendered":"https:\/\/tempull.com\/?p=33347"},"modified":"2026-09-20T10:34:08","modified_gmt":"2026-09-20T08:34:08","slug":"atentat-ne-qender-te-sarandes-vritet-42-vjecari-artan-myrtaj-nena-e-moshuar-shperthen-ne-lot-mbi-trupin-e-te-birit","status":"publish","type":"post","link":"https:\/\/tempull.com\/index.php\/2026\/09\/20\/atentat-ne-qender-te-sarandes-vritet-42-vjecari-artan-myrtaj-nena-e-moshuar-shperthen-ne-lot-mbi-trupin-e-te-birit\/","title":{"rendered":"Atentat n\u00eb qend\u00ebr t\u00eb Sarand\u00ebs\/ Vritet 42-vje\u00e7ari Artan Myrtaj, n\u00ebna e moshuar shp\u00ebrthen n\u00eb lot mbi trupin e t\u00eb birit"},"content":{"rendered":"

Nj\u00eb atentat me arm\u00eb zjarri ka tronditur paraditen e sotme qendr\u00ebn e Sarand\u00ebs, pran\u00eb ish-agjencis\u00eb s\u00eb vjet\u00ebr.<\/p>\n

Viktima \u00ebsht\u00eb 42-vje\u00e7ari Artan Myrtaj<\/strong>, i cili u q\u00ebllua me arm\u00eb zjarri nga dy persona q\u00eb, sipas informacioneve paraprake, l\u00ebviznin me motor dhe mbanin skafandra. Pas t\u00eb sht\u00ebnave, autor\u00ebt u larguan me shpejt\u00ebsi nga vendi i ngjarjes.<\/p>\n

Nga plumbat mbeti i plagosur edhe nj\u00eb kalimtar, i cili u transportua me ambulanc\u00eb p\u00ebr t\u00eb marr\u00eb ndihm\u00eb mjek\u00ebsore.<\/p>\n

Pamjet nga vendi i atentatit jan\u00eb t\u00eb r\u00ebnda.<\/strong> N\u00ebna e 42-vje\u00e7arit mb\u00ebrriti n\u00eb vendngjarje dhe, sapo pa t\u00eb birin t\u00eb shtrir\u00eb t\u00eb pajet\u00eb n\u00eb tok\u00eb, shp\u00ebrtheu n\u00eb lot.<\/p>\n

N\u00eb pamje shihet momenti i dhimbsh\u00ebm, teksa nj\u00eb grua dhe nj\u00eb efektiv policie p\u00ebrpiqen ta mbajn\u00eb n\u00ebn\u00ebn, e cila p\u00ebrballet me lajmin tragjik p\u00ebr humbjen e t\u00eb birit.<\/p>\n

Nd\u00ebrkoh\u00eb, policia ka rrethuar zon\u00ebn dhe ka nisur hetimet p\u00ebr identifikimin dhe kapjen e autor\u00ebve. N\u00eb vendngjarje jan\u00eb mbledhur prova dhe po verifikohen kamerat e siguris\u00eb p\u00ebr t\u00eb rind\u00ebrtuar l\u00ebvizjet e autor\u00ebve para dhe pas atentatit.<\/p>\n

Nj\u00eb vit m\u00eb par\u00eb ishte p\u00ebrfshir\u00eb n\u00eb nj\u00eb plagosje<\/h3>\n

Sipas burimeve, Artan Myrtaj ishte p\u00ebrfshir\u00eb rreth nj\u00eb vit m\u00eb par\u00eb n\u00eb nj\u00eb ngjarje plagosjeje n\u00eb Sarand\u00eb<\/strong>, ku konflikti dyshohet se kishte nisur p\u00ebr nj\u00eb sip\u00ebrfaqe toke n\u00eb zon\u00ebn bregdetare.<\/p>\n

N\u00ebse kjo ngjarje e m\u00ebparshme ka lidhje me atentatin e sot\u00ebm, mbetet p\u00ebr t\u2019u p\u00ebrcaktuar nga hetimet.<\/p>\n

Deri n\u00eb k\u00ebto momente, motivi i vrasjes dhe identiteti i autor\u00ebve nuk jan\u00eb konfirmuar zyrtarisht.<\/p>\n

Policia vijon k\u00ebrkimet p\u00ebr dy personat q\u00eb dyshohet se kryen atentatin, nd\u00ebrsa grupi hetimor po punon p\u00ebr zbardhjen e plot\u00eb t\u00eb ngjarjes.<\/p>\n