Alban Dokushi është deleguar në krye të Bashkisë së Tiranës, pas vendimit të kryebashkiakut Erion Veliaj për t’i hequr delegimin Anuela Ristanit.
Dokushi, i cili më herët ka mbajtur detyrën e sekretarit të përgjithshëm të Bashkisë së Tiranës, rikthehet tashmë në një pozicion drejtues në institucionin vendor.
Lëvizja vjen pas shkarkimit të Anuela Ristanit nga detyra. Ristani kishte marrë drejtimin e bashkisë në kushtet kur Erion Veliaj ndodhet i arrestuar dhe përballet me një proces hetimor.
Sipas të dhënave të bëra publike, Alban Dokushi ishte shkarkuar më herët nga Anuela Ristani, ndërsa tashmë është pikërisht ai që delegohet për të drejtuar Bashkinë e Tiranës.
Ndryshimi në drejtimin e bashkisë përbën një tjetër zhvillim në administratën e kryeqytetit, në një periudhë kur institucioni po përballet me lëvizje të rëndësishme në nivelet drejtuese.
Me delegimin e Dokushit, drejtimi i Bashkisë së Tiranës kalon tashmë në duart e tij, ndërsa pritet të zbardhen edhe detajet e vendimit dhe kompetencat që do të ushtrojë në këtë funksion.
Lexo edhe
Nga qelia, Veliaj shkarkon Anuela Ristanin: Ka refuzuar urdhrat e kryetarit
