Seanca plenare e Kuvendit është shoqëruar me tensione këtë të hënë.
Deputetët e Partisë Demokratike kanë bllokuar Foltoren e Kuvendit. Ata kundërshtuan procedurën e ndjekur për shqyrtimin e marrëveshjes së bashkëpunimit me Shtetet e Bashkuara të Amerikës në fushën e mbrojtjes.
Peleshi ndërpret seancën
Kryetari i Kuvendit, Niko Peleshi, njoftoi se projektmarrëveshja do të shqyrtohet me procedurë të përshpejtuar.
Peleshi vendosi ndërprerjen e seancës. Punimet do të rinisin në orën 15:00.
Para vijimit të seancës, dokumenti do të diskutohet në komisionet parlamentare.
“Në rendin e ditës është miratimi, në parim, i marrëveshjes së huas direkte ndërmjet Republikës së Shqipërisë, përfaqësuar nga Ministria e Financave, dhe Shteteve të Bashkuara të Amerikës, përfaqësuar nga Agjencia e Bashkëpunimit për Sigurinë e Mbrojtjes (DSCA)”, deklaroi Peleshi.
Marrëveshja parashikon hua 302 milionë dollarë
Sipas njoftimit të kryetarit të Kuvendit, marrëveshja lidhet me Financimin e Jashtëm Ushtarak (FMF).
Në kuadër të saj parashikohet një hua në shumën totale prej 302 milionë dollarësh amerikanë.
Marrëveshja është pjesë e bashkëpunimit mes Shqipërisë dhe Shteteve të Bashkuara në fushën e mbrojtjes.
Deputetët e PD-së bllokojnë Foltoren
Vendimi për procedurën e përshpejtuar u kundërshtua nga deputetët demokratë.
Ata bllokuan Foltoren dhe penguan vijimin normal të punimeve të Kuvendit.
Pas përplasjeve në sallë dhe situatës së tensionuar, seanca u ndërpre.
Punimet pritet të vijojnë në orën 15:00, ndërsa marrëveshja do të shqyrtohet paraprakisht në komisionet parlamentare.
Lexo edhe:
Parlamenti rrethohet me barriera metalike, policia shton masat e sigurisë para protestës
