Kontrolle të befasishme janë zhvilluar në burgun e Vlorës, ku autoritetet kanë evidentuar një rast të posedimit të sendeve të ndaluara brenda institucionit penitenciar.
Sipas informacionit zyrtar, gjatë kontrollit të ushtruar në ambientet e brendshme të katit të dytë, është konstatuar dhe sekuestruar një aparat celular tip “iPhone”, i cili ishte fshehur brenda një dysheku.
Në lidhje me rastin janë kryer të gjitha veprimet proceduriale përkatëse, ndërsa është mbajtur procesverbal për bllokimin dhe sekuestrimin e sendit të ndaluar.
Drejtoria e Përgjithshme e Burgjeve deklaron se mbetet e angazhuar në forcimin e masave të sigurisë në institucionet penitenciare, si dhe në goditjen e çdo paligjshmërie brenda sistemit të burgjeve.
