Policia Rrugore e Elbasanit ka vijuar me monitorimet intensive në të gjitha akset e qarkut, duke u fokusuar në parandalimin e aksidenteve dhe sigurinë rrugore. Gjatë muajit tetor, janë intensifikuar kontrollet, me qëllim mbajtjen nën kontroll të drejtuesve që nuk i përmbushin kushtet e përcaktuara për qarkullim dhe ata që drejtojnë mjetet nën ndikimin e alkoolit apo pa leje drejtimi.
Statistika dhe Masat:
22 arrestime dhe 10 procedime në gjendje të lirë për drejtim mjeti pa leje drejtimi ose nën efektin e alkoolit.
357 drejtues mjetesh janë ndëshkuar administrativisht për drejtim mjeti nën ndikimin e alkoolit.
1363 drejtues mjetesh janë ndëshkuar për parakalime të gabuara.
1365 drejtues automjetesh janë ndëshkuar për mosvendosjen e rripit të sigurimit.
445 drejtues motomjetesh janë ndëshkuar për mosvendosjen e kaskave mbrojtëse.
1426 drejtues mjetesh janë ndëshkuar për shpejtësi mbi normat e lejuara.
728 drejtues mjetesh janë ndëshkuar për përdorim të celularit.
639 drejtues automjetesh janë ndëshkuar për ndalim ose pushim në kundërshtim me sinjalistikën rrugore.
1152 drejtues mjetesh janë ndëshkuar për shkelje të tjera të Kodit Rrugor.
Apeli i Policisë
Policia Rrugore e Elbasanit apelon për të gjithë drejtuesit e automjeteve që të respektojnë rregullat e qarkullimit rrugor dhe të kontribuoni në rritjen e sigurisë për të gjithë përdoruesit e rrugës. Kontrollet do të vazhdojnë edhe në ditët në vijim, me një fokus të shtuar për respektimin e rregullave të sigurisë në rrugë.
ℹ️ Vijon monitorimi intensiv në të gjitha akset rrugore të qarkut për të parandaluar aksidentet dhe për të siguruar një qarkullim të sigurt.
