Gjykata Kushtetuese ka vendosur sot të rrëzojë kërkesën e Këshillit të Ministrave dhe dekretin e Presidentit Bajram Begaj, duke i dhënë të drejtë Erion Veliajt për të vijuar mandatin si kryetar i Bashkisë së Tiranës.
Pas një seance që zgjati disa orë dhe përfundoi rreth orës 17:30, trupa gjyqësore shpalli vendimin me pesë vota pro dhe tre kundër, duke e cilësuar të pavlefshëm shkarkimin e Veliajt dhe të papërshtatshëm dekretin për zgjedhje të reja në kryeqytet.
Sipas raportieme në media, anëtarët që votuan pro rikthimit të Veliajt në detyrë janë:
Sander Beci
Ilir Toska
Fiona Papajorgji
Marsida Xhaferllari
Mariana Semini
Ndërsa kundër u shprehën:
Olta Zaçaj
Sonila Bejtja
Gent Ibrahimi
Vendimi i sotëm i hap rrugën rikthimit të Veliajt në detyrë, ndërkohë që ai vijon të mbahet nën masën e sigurisë “arrest me burg” për akuzat e korrupsionit, pastrimit të parave dhe shpërdorimit të detyrës.
