Autoritetet kanë ekzekutuar 9 masa sigurie në kuadër të hetimeve për tjetërsimin e pronave në zonën e Lezhës, ku janë përfshirë zyrtarë publikë dhe ish-drejtues institucionesh lokale.
Sipas burimeve zyrtare, veprimet janë kryer me urdhër të Prokurorisë dhe vendim të Gjykatës kompetente, pas një hetimi që kishte nisur prej kohësh mbi mënyrën e përfitimit të disa parcelave në bregdetin e Lezhës.
Në këtë fazë të hetimit janë ekzekutuar këto masa sigurie:
Pjetër Tuçi – Arrest me burg
Gentian Malotaj, ish-drejtor i Kadastrës – Arrest në shtëpi
Artur Shabaku, ish-shef i Legalizimeve – Arrest në shtëpi
Artmir Maxhuni, zyrtar i Kadastrës – Arrest në shtëpi
Luiza Bala – Arrest në shtëpi
Hekuran Xhina – Arrest në shtëpi
Flor Gjini, ish-drejtor i IKMT – Ndalim i daljes jashtë shtetit
Kol Malaj, ish-drejtor i IKMT – Ndalim i daljes jashtë shtetit
Martin Ndoka, polic zone në Shëngjin – Pezullim nga detyra publike dhe ndalim i daljes jashtë shtetit
Burime pranë grupit hetimor bëjnë me dije se dyshimet lidhen me tjetërsimin e pronave publike dhe private përmes falsifikimeve dhe shpërdorimit të detyrës nga persona me funksione shtetërore.
Hetimet vijojnë për zbardhjen e plotë të skemës së dyshuar, si dhe për identifikimin e të gjithë personave të tjerë që mund të kenë qenë të përfshirë në këtë aktivitet abuziv.
