Policia e Beratit, në bashkëpunim me shërbimet e DVP Vlorë dhe nën drejtimin e Prokurorisë së Beratit, finalizoi me sukses operacionin antidrogë të koduar “Alfa”, i zhvilluar pas një hetimi disa mujor me metoda speciale.
Si rezultat i operacionit, u arrestua në flagrancë shtetasi Arion Sherifi., 27 vjeç, banues në Vlorë, i cili posedonte lëndë narkotike me qëllim shitjen.
Gjatë kontrollit në banesën e tij, u gjetën dhe u sekuestruan:
1.53 kg kokainë
7.5 kg cannabis sativa
peshore elektronike,
municion luftarak,
elektroshok,
aparat celular.
Hetimet vijojnë për dokumentimin e plotë të aktivitetit kriminal dhe identifikimin e personave të tjerë të përfshirë.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.
